Франција донесе нов закон со кој манекенките мораат да имаат лекарско уверение за тоа да не се премногу слаби доколку сакаат да се занимаваат со оваа професија, во спротивно можат да се соочат со казна до 6 месеци затвор и парична казна од 75.000 евра. Новиот закон кој го усвои францускиот парламент предвидува дек сите модни магазини мораат јасно да ги одбележеуваат сите фотографии на човечкото тело на кои им биле вршени одредени корекции на „Фотошоп“.
Франција на овој начин сака во модната индустрија да внесе критериум кој ќе го претставува минималниот индекс на телесна тежина кој манекенките мораат да го имаат за да ги рекламираат нивните производи. Докторите ќе бидат тие кои ќе треба да проценат која манекена е премногу слаба, земајќи во обзир повеќе фактори како што се години, висина, телесна градба и други. Овие мерки се донесени во рамки на националниот план за борба против анорексија и булимија кои се многу распростанети во француската модна индустрија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
