Вејд и Дурант ги одведоа до победа своите тимови (видео)

Екипата на Оклахома беше пред пораз во синоќешниот дуел на домашен терен против Јута бидејќи имаше 16 поени негатива во второто полувреме, но благодарејќи на феноменалниот Кевин Дурант кој уште еднаш ја покажа својата класа и стигна до победата по дополнителните пет минути од 104-98. Во продолжението одбраната на Оклахома беше на ниво на задачата и прими само два поена за цели пет минути игра.
Кевин Дурант натпреварот го заврши со 31 поен и шест асистенции, а Расел Вестбрук имаше дабл-дабл учинок од 25 поени и 11 скока.

Слично како и во Оклахома и во Мајами домаќините беа во негатива поред почетокот на последниот период. Улогата на лидер ја презема Двејн Вејд кој го одведе својот тим до серија од 11-0 што беше доволно за победа над Мемфис од 100-97. Иако не беше најдобар во својот тим Вејд постигна 14 поени, беше предводник на „жешките“ во клучните моменти.

Торонто ја декласираше Филаделфија со 96-76, носен од 25-те поени на Дерозан.

Минесота го доживеа шестиот пораз во последните седум меча, од Феникс со 108-101. Најдобар во победничкиот тим беше Брендан Најт со 25 поени и шест скока, додека Ерик Бледсо имаше 24 поени и 9 асистенции. Санси сега имаат скор од 11 победи и 14 порази.

Од друга страна, на Минесота не и помогна ниту одличниот ефект на Зек Лавин кој дуелот го заврши со 28 поени.

НБА резултати: Феникс – Минесота 108-101, Мајами – Мемфис 100-97, Торонто – Филаделфија 96-76, Оклахома – Јута 104-98 (пo продолжение).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.