Нокаут за „кралевите“ на „Ел Мадригал“ (видео)

Реал Мадрид не го искористи киксот на Барселона по вчерашните 2-2 со Ла Коруња, за да се доближи до врвот на табелата зад водечките Атлетико Мадрид и Барселона. Напротив, „кралевите“ дури заостануваат сега пет во бода во однос на првопласираната двојка.
Избраниците на Рафа Бенитез загубија на тешкото гостување на „Ел Мадригал“ од Вилјареал со 1-0. Единствениот гол беше постигнат уште во осмата минута кога Лука Модриќ загуби една топка на својата половина, а тоа го искористија домаќините и преку Солдадо дојдоа во водство. Реал Мадрид имаше повеќе од 80 минути да дојде до пресврт, но шансите кои ги имаа Роналдо, Бензема и Родригез не ги искростија.
За проблемите на Рафа Бенитез да бидат уште поголеми, Бразилецот Марсело заработи нова повреда, па сега повторно ќе мора да мине извесно време надвор од терените.

Вчерашниот нерешен резултат на Барселона и тоа како го искористи Атлетико Мадрид славејќи победа од 2-1 на домашен терен над Атлетик Билбао. Гостите од Баскија поведоа со голот на Лапорте во 27.минута, но Атлетико успеа да израмни во самиот финиш од првото полувреме со голот на Саул Гомез кој беше прецизен по корнер од десната страна.
Во второто полувреме се си дојде на свое место иако гостите имаа неколку шанси да дојдат до ново водство. Голманот Облак ги спречи сите удари и им овозможи на своите соиграчи уште повеќе да нападнат и да го постигнат победоносниот гол. Стрелец беше Гризман во 67 минута. Со оваа победа Атлетико Мадрид се израмни на врвот на табелата со Барселона со по 35 бода.

Atletico Madrid vs Athletic Bilbao 2-1 All… by sporttvks

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.