Шлаканица за Барса од Ла Коруња сред „Камп Ноу“ (видео)

Шокантна лекција доби Барселона во натпреварот од 15. коло во Примера дивизијата откако дозволи и по предност од 2-0, да загуби два бода на пресметката со Ла Коруња, на крајот стигнувајќи само до реми од 2-2.
Каталонскиот состав до 77. минута имаше убедлива предност од два гола, но во финишот гостите на „Камп ноу“ стигнаа до изненадувачки бод.
Барселона поведе со голот на Лионел Меси во 39. минута од средбата. Во второто полувреме, во 62. минута хрватскиот репрезентативец Иван Ракитиќ веќе зголеми на 2-0.
И кога се чинеше дека задачата е веќе завршена, гостите стапија на сцена во последните 15 минути. Најпрво во 77. минута Перез намали на 2-1, а потоа во 86. минута Бергантинос ги шокираше Каталонците за израмнување на 2-2.

Barcelona vs Deportivo La Coruna 2-2 All Goals… by alxrecords

Барселона со 35 бода и натаму е на врвот од табелата, сега со само три бода предност пред Атлетико Мадрид и пет пред Реал Мадрид кои утре ги играат своите натпревари од ова коло.

Во останатите денешни натпревари Селта славеше над Еспањол со 1-0, Леванте – Гранада 1-2, Севиља – Спортинг Хихон 2-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.