Во 90-тите години, секоја девојка сонуваше да ја има видео касетата со волшебните вежби на Синди Крафорд. Оттогаш поминаа многу години, но програмите на познатата манекенка и сега можат да ви помогнат за одлична фигура.
Ви претставуваме еден краток тренинг, со кој брзо ќе постигнете импресивни резултати.
Странично зацрвстувањето
Оваа вежба одлично ги зајакнува стомачните мускули.
* Легнете настрана потпрени на лакот. Свиткајте ја слободната рака и потпрете ја дланката на колковите.
* Сега полека кревајте ги колковите од подот и напрегнете ги стомачните мускули. Телото треба да биде испружено во права линија од стапалата до главата.
* Опуштете се до почетната позиција. Направете ја вежбата 10 пати, а потоа повторете ја на другата страна.
Кревање на нозе настрана
Оваа вежба ги затегнува мускулите на задникот и нозете.
* Легнете настрана, потпрете ја глава на долната рака. Слободната дланка потпрете ја на подот пред стомакот.
* Свиткајте ја горната нога и потпрете ја пред бутот на долната нога.
* Потоа исправете ја горната нога паралелно со долната и вратете се во почетна позиција.
* Потпрете ја горната нога на прсти зад коленото на долната нога. Исправете ја и подигнете ја долната нога и вратете се во почетна позиција. Повторете 15 пати, а потоа целата серија направете ја другата страна.
„Делфинче“
Оваа вежба ги зајакнува мускулите на рацете, грбот и стомакот.
* Потпрете се на лакти со собрани дланки, на стомак, со испружено тело.
* Подигнете ги колковите нагоре, додека вашето тело не добие форма на превртена „V“. Вратете се во првобитната позиција. Повторете 10 пати.
Поза мачка
Вежба за стомачни и грбни мускули.
* Застанете на четири нозе, со колена на ниво на колковите и дланки на ниво на рамениците.
* Бавно виткајте го грбот нагоре и голтнете го стомакот, формирајќи виножито. Вратете се на почетна позиција. Повторете 15 пати.
Мост
Оваа вежба ги затегнува мускулите на нозете, задникот и стомакот.
* Легнете на грб со раце испружени покрај телото. Свиткајте ги нозете во колената и потпрете ги стапалата на прсти по навнатре кон колковите.
* При издишување подбутнете се со нозете и кренете го задникот, колковите и половината нагоре. Рамената треба да ви останат на подот. Колковите и торзото треба да застанат во права линија.
* Задржете за секунда и при вдишувањето вратете се во првобитната положба. Повторете 10 пати, внимавајте со дишењето.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
