Арсенал најдобар кога е најпотребно, Челси рутински до победата за пласман во осминафиналето на ЛШ (видео)

По одигрувањето на натпреварите од шестото коло во групите Е, Ф, Г и Х познати се сите патници во осминафиналеот од Лигата на шампионите.
Арсенал успеа да се врати од бездната во Лигата на шампионите откако славеше на тешкото гостување во Пиреја против Олимпијакос со 3-0. Пред само две кола лондочани заостануваат шест бодови зад Олимпијакос, но со две победи посебно таа вечерва на која ако сакаше да се пласира во осминафиналето мораше да оствари победа од минимум два гола.
Избраниците на Арсен Венгер задачата ја сфатија крајно сериозно и успеаја да слават убедливо против директниот конкурент во групата Ф. Јунак за Арсенал беше францускиот интернационалец Оливие Жиру кој ги постигна сите три гола во 29, 47 и 69 минута.

Olympiacos vs Arsenal ( 0-3 ) All Goals… by CristianoOfficial

Од оваа група, веќе од поодамна беше познато дека првото место во групата е резервирано за Баерн Минхен, а Олимпијакос продолжува во Лигата на Европа. Баерн Минхен го скрши отпорот на Динамо Загреб со два гола во второто полувреме. Двоен стрелец беше Роберт Левандовски.

Dinamo Zagreb vs Bayern Munich 0-2 All Goals… by oyunduraginiz

Во Групата Г, Челси славеше со 2-0 против Порто за прво место во групата. Преку автоголот на Марчано, „сините“ поведоа во 12. минута, а конечната победа ја заокружи Вилијан во 52. минута.
Овој пораз за Порто значи и трето место во групата, откако Динамо Киев славеше со 1-0 против Макаби Тел Авив, па ја освои втората позиција која води во осминафиналето од ЛШ.
Во Групата Е, и ремито со БАТЕ без голови беше доволно за Рома да дојде до втората позиција, откако Баер Леверкузен ремизираше (1-1) на домашен терен со Барселона. Меси ги доведе Каталонците до водство во 20. минута, а израмни Чичарито во 33. минута. Во второто полувреме Баер имаше неколку сторпоцентни шанси за гол кој ги водеше во следната рунда, но голманот на Барса, Тер Штеген ги одбрани сите налатени на „фармацевтите“.

Лига шампиони, резултати шесто коло:

ГРУПА Е:
Резултати: Баер Леверкузен – Барселона 1-1, Рома – БАТЕ Борисов 0-0
Табела: Барселона 14 бода, Рома 6, Леверкузен 6, БАТЕ 5 бода

ГРУПА Ф:
Резултати: Динамо З. – Баерн Мминхен 0-2, Олимпијакос – Арсенал 0-3
Табела: Баерн М. 15 бода, Арсенал 9, Олимпијакос 9, Динамо З. 3 бода

ГРУПА Г:
Резултати: Челси – Порто 2-0, Динамо Киев – Макаби ТА 1-0
Табела: Челси 13 бода, Динамо Киев 11, Порто 10, Макаби ТА без бодови

ГРУПА Х:

Резултати: Гент – Зенит 2-1, Валенсија – Лион 0-2
Taбела: Зенит 15 бода, Гент 10, Валенсија 6, Лион 4 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.