Само небото е лимит за Голден стејт, стигна до 23-0 во новата сезона (видео)

Актуелниот НБА шампион тимот на Голден стејт воопшто не размислува да намали со темпото. По неколку рекорди кои ги сруши од почетокот на сезоната со новата синоќешна победа на гостински терен кај Индијана од 131-123 стигна до 23-0 победа, само десет помалку од актуелниот рекордер ЛА Лејкерс.
Ако продолжат со ваквите игри Стеф Кари и другарите, може многу лесно да се случи да падне и тој рекорд на „езерџиите“. Стеф Кари беше одличен но не беше најдобар. Извонредна партија пружи Клеј Томпсон кој заврши со 39 постигнати поени од кои дури 30 зад линијата за три поени. Кари постигна 29 поени, дополнети и со 10 асистенции и седум скока. На Индијана не и помогна ниту одличната партија на Пол Џорџ кој уфрли 33 поени.

Леброн Џејмс историскиот доживотен договор со „Најк“ го прослави така што го водеше Кливленд до победа над Портланд од 105-100. „Кралот“ постигна 33 поени и дополни 10 скока за прекин на мини серијата од три порази.

Кевин Дурант и Расел Вестбрук со „дабл-дабл“ остварувања донесоа убедлива победа за Оклахома над Мемфис, чија одбрана овој пат не функционираше. Дурант имаше 32 поени и 10 скока, Вестрбук го следеше со 13 поени и дури 16 асистенции. Кај Мемфис најефикасен беше Чалмерс со 19 поени, а Марк Гасол постигна 11 поени.

НБА резултати: Кливленд – Портланд 105-100, Индијана – Голден стејт 123-131, Бруклин – Хјустон 110-105, Мемфис – Оклахома 88-125, Денвер – Орландо 74-85, Сакраменто – Јута 114-106

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.