Поетски портрет на Кочо Топузовски во ДПМ

Утре (четврток, 10 декември) во Друштвото на писателите на Македонија, во 12 часот, ќе се одржи поетски портрет на Кочо Топузоски, по повод 40-годишнината од излегувањето на неговата прва стихозбирка „Ноќни делби“. За творештвото на Кочо Топузоски ќе зборуваат Ефтим Клетников и Санде Стојчевски. На средбата со музички нумери ќе учествува Христо Христоски – Мулар, а стихови ќе чита Александра Велинова.

Кочо Топузоски е претставник на средната генерација македонски поети. Покрај дебитантското остварување „Ноќни делби“, автор е и на стихозбирките: „Болна прелест“ и „Препознавања“. Негови стихови се преведени на англиски, француски, српски, романски, албански и руски јазик. Застапуван е во неколку избори, панорами и антологии, меѓу кои и во Антологијата на современата македонска поезија објавена во рамките на едицијата „135 тома македонска книжевност“.

Кочо Топузоски член е на Претседателството на ДПМ и секретар за меѓународна соработка на македонската писателска асоцијација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.