Голден Стејт не запира, продолжува да руши рекорди (видео)

Актуелниот НБА шампион Голден Стејт не знае за „доста“ во новата сезона. Најдобриот играч од минатата сезона Стефон Кари и другарите, синоќа на гостувањето кај Феникс славеа победа од 135-116 и ја забележаа 17.победа од стартот на сезона, што е апсолутен рекорд во НБА лигата.
Тие уште пред два меча се израмнија по бројот на победи од стартот на сезона со Хјустон и сега само ја креваат границата до невозможното. Кари повторно беше лидер на својот тим со 41 поен, а одлична партија пружи и резервистот Леандро Барбоса со 21 кош и само едно промашување од поле.

Свое индивидуално шоу синоќа имаше и Џејмс Харден, кој на најслабиот тим во лигата Филаделфија им даде 50 поени и Хјустон дојде до триумф од 116-114. Филаделфија ја дели само уште еден пораз до негативниот рекорд на Њу Џерси нетс од 18 порази по ред на стартот на сезоната. Ако се сметаат и ланските натпревари екипата на Филаделфија моментално е во серија од дури 27 порази по ред. Иако „ракетите“ важеа за фаворити во пресрет на овој дуел (Филаделфија загуби на 26 меча во низа, во финишот од ланската и стартот од оваа сезона), сепак едвај стигнаа до победата, благодарение на својот најдобар играч.

Оклахома сити го доби дуелот со Детроит со 103-87, меч во кој Кевин Дурант повторно блескаше и ја предводеше својата екипа со 34 поени, 13 скокови и пет асистенции.

Резултати:
Њујорк – Мајами 78-97, Мемфис – Атланта 101-116, Шарлот – Кливленд 90-95, Орландо – Милвоки 114-90, Бостон – Вашингтон 111-78, Хјустон – Филаделфија 116-114, Индијана – Чикаго 104-92, Оклахома сити – Детроит 103-87, Денвер – Сан Антонио 103-87, Денвер – Сан Антонио 80-91, Феникс – Голден стејт 116-135, Сакраменто – Минесота 91-101, ЛА клипер – Њу Орлеанс 111-90.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.