Јохан се враќа дома, организирани 250 автобуси за пречекот

Македонските граѓани од сите градови во земјава што сакаат да го пречекаат Јохан Тарчуловски на аеродромот „Александар Велики“ денеска ќе имаат на располагање 250 автобуси, информираат од Здружението за поддршка на Јохан.

Педесет автобуси во 13 часот ќе тргнат од паркингот кај спортскиот центар „Борис Трајковски“ во Скопје, а уште 200 ќе бидат распоредени низ градовите во земјава. Превозот за сите заинтересирани е бесплатен.

Од аеродромот, автобусите ќе ги пренесат граѓаните до плоштадот „Македонија“, каде што е организирана голема прослава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.