Полска не прифаќа да го испорача режисерот Роман Полански во САД откако обвинителството на таа земја соопшти дека нема основа за жалба за одлуката на судот Полански да не се испорача во САД.
Од канцеларијата на обвинителството во Краков наведуваат дека анализата на доказите покажала дека претходната одлука на судот, Полански да не се испорача во САД, била исправна.
Со тоа, одлуката на судот, Полански да не се испорача во САД стана правно обврзувaчка и на неа не може повторно да се вложи жалба.
Затворањето на случајот, кој трае повеќе од 40 години, значи дека сега Полански е слободен да живее и работи во Полска, пренесуваат полските медиуми.
Режисерот во 1977 година призна дека имал сексуални односи со 13-годишно девојче за време на снимањето во Лос Анџелес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
