Синоќа се одиграа сите натпревари од петтото коло од Лигата на Европа. Уште сега се познати неколку патници во нокаут фазата на пролет, а беа постигнати и неколку резултати кои беа изненадувања.
Српскиот шампион Партизан оствари неочекувана победа на гостувањето во Холандија против Аз Алкмар од 2-1 и со тоа широко си ги отвори вратите за следната рунда која продолжува на пролет.
Иако Холанѓаните први дојдоа во водство преку Дабни на почетокот на второто полувреме, сепак, „црно-белите“ направија комплетен пресврт во финишот од мечот со головите на Оумару и на Живковиќ.
AZ Alkmaar vs FK Partizan 1-2 All Goals Live… by sportmarket24
Лацио го освои првото место во групата Г, откако вечерва во Рим беше подобар од Сент Етјен со 3-1. Кандрева, Пароло и Ѓорѓевиќ беа стрелци за „лацијалите“ на овој дуел. Тотенхем исто така обезбеди пласман понатаму, славејќи со 0-1 на гостувањето против Карабах, со голот на Хари Кејн.
Англискиот премиерлгаш Ливерпул успеа да се пласира во следната фаза од Лигата на Европа, откако вечерва на „Енфилд роуд“ славеше над Бордо со 2-1. По грешката на Мињоле, кој премногу долго ја држеше топката во раце во сопствениот шеснаесетник беше досуден индиректен удар, а Саиве во 33. минута го казни со гол за Бордо.
Пет минути подоцна Ливерпул израмни со пеналот на Милнер, а пред самиот истек на првиот дел Бентеке донесе предност за „црвените“, која на крајот се покажа и како доволна за конечен триумф.
Liverpool vs Bordeaux 2-1 All Goals… by hervesonkeng88
Лига Европа, петто коло, резултати:
Група А: Селтик – Ајакс 1-2, Молде – Фенербахче 0-2.
Група Б: Рубин Казан – Сион 2-0, Ливерпул – Бордо 2-1.
Група Ц: Краснодар – Борусија Д. 1-0, ПАОК – Габала 0-0.
Група Д: Клуб Бриж – Наполи 0-1, Легија – Митјиланд 1-0.
Група Е: Динамо Минск – Плзен 1-0, Вилјареал – Рапид Виена 1-0.
Група Ф: Брага – Либерец 2-1, Марсеј – Гронинген 2-1.
Група Г: Лацио – Днипро 3-1, Розенборг – Сент Етјен 1-1.
Група Х: Бешикташ – Скендербег 2-0, Локомотив Москва – Спортинг Лисабон 2-4.
Група И: Базел – Фиорентина 2-2, Белененшеш – Лех Познањ 0-0.
Група Ј: Монако – Андерлехт 0-2, Карабах – Тотенхем 0-1.
Група К: Шалке – Апоел 1-0, Спарта Прага – Астерас 1-0.
Група Л: Аз Алкмар – Партизан 1-2, Аугсбург – Атлетик Билбао 2-3.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
