Манчестер Јунајтед сам си ја загрози судбината, „Манџа“ му донесе на Јуве три бода (видео)

Хрватскиот репрезентативец Марио Манџукиќ продолжува да ги тресе мрежите за својата екипа Јуветус. Вечерва во Торино тој повторно им „пресуди“ на граѓаните од Манчестер со единствениот гол на натпреварот. Тој беше стрелец на еден од двата гола и на првата среба на „Етихад“.
Тој потоа промаши одлична шанса за 2-0, а Сити во финишот не реализираше идеална можност за израмнување преку Стерлинг. И покрај поразот, Манчестер сити на едно коло до крајот си го обезбеди пласманот во следната рунда откако Севилја загуби на гостувањето против Борусија Менхенгладбах со убедливи 4-2.

Манчестер Јунајтед сам си кроеше судбината во рамките од Лигата на шампионите. Во петтото коло „црвените ѓаволи“ на домашен терен со евентуална победа над ПСВ можеа да го визираат пасошот за следната рунда, но избраниците на Луис Ван Гал одиграа само 0-0 на „Олд Трафорд“. Сепак остануваат ја второто место кое води понатаму, но во последното коло ќе имаат тешка задача да слават на гостувањето кај Волфсбург.

Рафа Бенитез коренито го промени тимот во однос на единаесетмината што истрчаа на „Ел Класико“, па Реал вечерва во Лвов славеше на гостувањето против Шахтјор со 3-4. „Кралевите“ поведоа со убедливи 0-4 со головите на Роналдо (два), Модриќ и Карвахал, но Шахтјор со максимално ангажирана игра постигна три гола во последните петнаесет минути, сепак недоволно ниту за бод на овој меч.

Shakhtar Donetsk vs Real Madrid 3-4 All Goals… by gentaa

ПСЖ рутински си ја одработе задачата на гостувањето против Малме, Златан Ибрахимовиќ постигна еден од погодоците за триумфот од 0-5, двоен стрелец беше Ди Марија, а по еднаш меѓу стрелците се запишаа Рабио и Моура.

Malmö FF vs PSG 0-5 All Goals _ Highlights by funnyvidoes1

Резултати:

ГРУПА А: Шахтјор – Реал Мадрид 3-4, Малме – ПСЖ 0-5.
Табела: Реал М. 13, ПСЖ 10, Шахтјор 3, Малме 3 бода

ГРУПА Б: ЦСКА Москва – Волфсбург 0-2, Манчестер јунајтед – ПСВ Ајндховен 0-0.
Tабела: Волфсбург 9, Манчестер јунајтед 8, ПСВ 7, ЦСКА Москва 4 бода

ГРУПА Ц: Астана – Бенфика 2-2, Атлетико Мадрид – Галатасарај 2-0.
Табела: Атлетико Мадрид 10, Бенфика 10, Галатасарај 4, Астана 3 бода

ГРУПА Д: Јувентус – Манчестер сити 1-0, Борусија Менхенгладбах – Севилја 4-2.
Табела: Јувентус 11, Манчестер Сити 9, Борусија М. 5, Севилја 3 бода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.