Дурант се врати на терените и забележа победа, Мајами ја прекина серијата на Њујорк (видео)

Најдобриот играч на Оклахома, Кевин Дурант, се врати на терените по двонеделната пауза поради повреда на задната ложа и веднаш забележа победа со својот тим во синоќешниот меч против Јута од 111-89. Тој беше најдобар стрелец со 27 поени зад своето име, а забележа и шест скока и една асистенција. Дурант беше расположен за игра со висок процент на реализација погодувајќи 10 удари од 13 обиди. Расел Вестбрук додаде 20 поени и седум скока и девет асистенции. Кај Јута се истакна Гордон Хејвуд со 19 коша.

Леброн Џејмс беше најзаслужен за победата на Кливленд во дуелот со Орландо од 117-103 на домашен терен. Главната ѕвезда во тимот Леброн Џејмс реализираше 13 асистенции и влезе во историјата рамо до рамо со легендарниот Оскар Робертсон. Тој е втор кошаркар кој е меѓу најдобрите 25 во категоријата стрелци и асистенти. Леброн сега има 6.386 успешни додавања, а е 19. поентер и му недостасуваат околу 1.500 поени да го надмине 11-пласираниот Робертсон. Најдобра вечер во сезоната имаше крилниот центар Кевин Лав со 34 поени.

Во дербито на истокот, Мајами ја прекина серијата од четири победи на Њујорк кој е вистински хит во новата сезона. „Жешките“ беа супериорни во првото полувреме кога со одлична одбрана успеаја да направат разлика за до крајот на натпреварот ја сочуваат и слават со 95-78. Њујорк во првото полувреме промаши 15 од 16 удари кон притвничкиот кош, и тоа беше клучно за поразот. Двејн Вејд и Крис Бош реализираа по 16 поени, додека Драгиќ додаде 13.

НБА резултати:
Сан Антонио – Феникс 98-84, Јута – Оклахома 89-111, Мајами – Њујорк 95-78, Милвоки – Детроит 109-88, Минесота – Филаделфија 100-95, Шарлот – Сакраменто 127-122, Кливленд – Орландо 117-103.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.