Што треба да правите во случај на терористички напад?

По ужасниот масакр што се случи во Париз, Британците објавија водич за преживување на терористички напад.

Се советува дека во случај на напад најдобро е да се бега и по можност да се сокриете, но при тоа да се внимава да не се прават никакви нагли потези кои би можеле да се сфатат како закана.

-Најдобро е да бегате, ако тоа е возможно, но и да инсистирате да бегаат и другите, оставете ги сите работи кои ги носите зад себе, се вели во упатството кое го објави Националната канцеларија за борба против тероризмот од Велика Британија.

Во случај да бидат блокирани премините за бегство, се советува да се оддалечите од пукањето и да се сокриете зад бетонски градби.

Веднаш штом ќе процените дека имате можност јавете се во полицијата, раскажете што се случува и дајте им што повеќе информации. Објаснете им каде се наоѓаат осомничените и како изгледаат. Кажете им колку луѓе се во моментот во зградата.

Исто така се советува компаниите да ги обучат своите вработени за тоа како најдобро да го обезбедат работниот простор и како соодветно да реагираартво кризни ситуации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.