Екипата на ЖРК Вардар со победа ја заврши првата групна фаза во Лигата на шампионите откако попладнево во СЦ „Јане Сандански“ повторно ја декласираше екипата на Хипо со 37-25.
Избраничките на тренерскиот двоец Кастратовиќ – Питлик воопшто не се мачеше со денешниот противник бидејќи разликата во квалитет беше очигледна.
По првиот дел вардарки имаа предност од 15-14, но на стартот од второто полувреме имаа период од играта во која им дозволија на противничките да постигнат неколку голови во серија и да го преземат водството (17-19).
Сепак со искуството кое го поседува „црвено-црниот“ состав не дозволи да дојде до целосно опуштање, одбраната на чело со голманката Амандин Лејно не дозволи да прими гол дури девет минути и со серија од 12-1 го презема водстото кое до крајот на натпреварот само се зголеуваше благодарение на Французинката на голот која по секој одбранет удар ги проигруваше во нападот своите колешки кои со брзи контра-напади лесно реализираа.
Кастратовиќ и Питлик како и што најавија пред почетокот на мечот шанса им дадоа на сите ракометарки, а тие вратија со тоа што сите се запишаа на листата на стрелци.
Андреа Лекиќ беше предводник на листата на стрелци со девет голови, пред Пенезиќ која постигна шест, а Радичевиќ и Черноиваненко додадоа по четири.
На голот беше фантастичната Лејно со 16 фатени удари иако натпреварот го започна од клупата.
Во следната рунда Вардар вкрстува со групата Д од која трите патника се Будуќност, ЦСМ Букурешт и Савехоф и ќе одигра по два натпревара.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
