Бусек: Поделбата на Косово ќе ги реши сите проблеми

Застојот во дијалогот за Косово настана зашто двете страни треба да ја подготват својата јавност за договорот што ќе го донесат од Брисел, изјавил австрискиот политичар Ерхард Бусек за српски Новости.

– Не мислам дека ова е крај на дијалогот. Дијалогот мора да продолжи бидејќи не постои поинаков начин за решавање на спорот помеѓу Белград и Приштина, смета Бусек.

Бусек смета дека вклучување на нови „играчи“, како што се Германија, Русија и САД во дијалогот, нема ништо да смени бидејќи Србите и Албанците се тие кои треба да изнајдат „модус вивенди“ за помирување на разликите.

– За жал, пропуштена е шансата Косово да се подели на маса, што според мене, е најдобриот начин за излегување од оваа пат позиција, рекол тој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.