Шведска со минимална предност ќе патува на реваншот во Данска (видео)

Во последниот бараж дуел за Европското првенство 2016 година во Франција, репрезентацијата на Шведска на домашен терен во Стокхолм славеше минимална победа од 2-1 над скандинавскиот ривал Данска.
Најдобриот фудбалер на швеѓаните Златан Ибрахимовиќ повторно одигра одличен натпревар успевајќи да ги разигра своите соиграчи и да созаде неколку шанси за својата репрезентација. Сепак цврстата одбрана на Данска не потклекна се до 45 минута кога Форсберг погоди за 1-0. Вториот гол за домашните го постигна токму Ибра од белата точка во 50. минута. Гол надеж пред реваншот за три дена за Данска го постигна Јоргенсен во 80.минута по една уиграна акција од корнер.
Реваншот кој ќе даде еден од патниците на Европското првенство во Франција се игра за три дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.