Неверојатниот Кари за десетта победа на Голден Стејт, рекорд на Брендон Најт (видео)

Фантастничниот бек на Голден Стејт и најдобар играч во минатата сезона во НБА лигата, Стефон Кари, го одведе својот тим до десетта победа во новата сезона од исто толку победи. Кари беше неверојатен со извонредни 46 поени за триумф над Минесота од 129-116. Во триумфот на Голден стејт освен одличниот плејмејкер се истакна и Дрејмонд Грин со 23 поени, 12 асистенции и 8 скока, а двоцифрени беа и Клеј Томпсон со 15 поени, Херисон Барнс со 14 поени и Езели со 10 поени.

Брендон Најт одигра одличен натпревар во синоќешната победа на својот тим Феникс против ЛА Клиперс од 118-104 и постигна 37 поени што е негов рекорд во кариерата. Добар натпревар одигра и Ерик Бледсо кој имаше дабл-дабл од 26 поени и 10 скока. Во екипата на ЛА Клиперс потфрли целата прва петорка која постигна само 50 поени, а најефикасен беше Крофорд со 18 коша.

Мајами играше без Двејн Вејд но успеа да слави против Јута на домашен терен со 92-91. До шестиот триумф од десет меча ги предводеше Крис Бош со 25 поени, а одлично го следеа Џонсон со 17 поени и Драгиќ со три помалку.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.