Голден стејт израмни рекорд стар 55 години, Лејкерс и Њујорк загубија во последната секунда (видео)

Актуелниот НБА шампион тимот на Голден Стејт има префектен старт оваа сезона. Во првите девет натпревари, тимот од западната конфереција остварија истотолку победи и со тоа го измранија стариот рекорд од 55 години од сезоната 1960/61 кога сеуште беа во Филаделфија. Ноќеска на домашен терен беа поуспешни од Мемфис со 100-84 на домашен паркет. МВП-то на минатата сезона Стеф Кари со 28 поени и Андре Игудала со 20 поени беа најзаслужни за победата на Голден Стејт.

Екипите на Њујорк и ЛА Лејкерс загубија во синоќешните натпревари откако примија кош во последната секунда.
„Езерџиите“ загубија од Орландо со 101-99 на гостински терен, а последните поени за Орландо ги постигна Никола Вучевиќ со звукот на сирената.

Шарлот славеше над Њујорк никс со 95-93 во најинтересниот натпревар одигран во НБА-лигата изминатата ноќ. Домаќините дојдоа до победата во драматичен финиш, откако Зелер погоди под кошот на 6 десетинки од секундата до крајот од мечот. Њујорк во својот последен напад успеа да постигне тројка Кристапс Порзингис, но судиите по прегледувањето на снимката утврдија дека шутот бил упатен по изминувањето на времето, па поените беа поништени, а победата им припадна на домаќините.

НБА Резултати:
Шарлот – Њујорк 95-93, Орландо – ЛА лејкерс 101-99, Филаделфија – Торонто 103-119, Бостон – Индијана 91-102, Атланта – Њу Орлеанс 106-98, Далас – ЛА клиперс 118-108, Хјустон – Бруклин 98-106, Мемфис – Голден стејт 84-100, Денвер – Милвоки 103-102, Сакраменто – Детроит 101-92, Портланд – Сан Антонио 101-113.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.