Интернационалната студентска платформа АИЕСЕК им нуди на сите студенти една уникатна можност да заминат на професионална или на волонтерска пракса, со времетрање и локација по нивен избор. АИСЕК им овозможува на младите луѓе да истражуваат и да го развијат својот лидерски потенцијал со цел да се направи позитивно влијание врз општеството. Оваа организација постои во 134 земји во светот и има над 100 000 членови.
Сите заинтересирани може да изберат една од трите програми за пракса кои ги нуди АИСЕК: Глобал Ситизен (Global Citizen), Глобал Талент (Global Talent) или Глобал Ентрепренеурс (Global Entrepreneurs).
Глобал Ситизен е програма која што им овозможува на сите студенти од 1 до 4 година како и на скоро дипломирани лица да заминат на волонтерска пракса во странство. Ова неверојатно волонтерско искуство може да трае од 6-12 недели, во зависност од проектот на кој што би сакале да работите. Преку проектите се обработуваат најразлични општествени проблеми кои што го засегаат светот. Најчести тематики кои се разработуваат на проектите се култура, еднаквост, права, здравство, јазици, екологија, општевствено претприемништво итн.Може да изберете една од преку 130 земји каде што оваа програма е застапена.
Глобал Талент е програма која што им овозможува на студентите кои што се во завршна година на факултет, штотуку дипломирани студенти, или пак студенти запишани на постдипломски студии кои што не се постари од 29 години, да заминат на професионална пракса во времетраење од 2 до 18 месеци. Преку оваа програма секој студент добива уникатна можност да работи во големи компании насекаде низ светот за одреден паричен надоместок. Студентите имаат можност да изберат во која област би сакале да работат, на располагање им стојат голем број на пракси од областа на маркетингот, ИТ, бизнис администрација, инженерство и држење на настава.
Сепак доколку сакате да се стекнете со професионално искуство во времетраење од 6-8 недели, додека се’ уште студирате, АИЕСЕК Ви стои на располагање со уште една програма наречена Глобал Ентрепренеурс. Преку оваа програма ќе можете да заминете на неплатена професионална пракса во старт ап компанија во било која од земјите во која што постои АИЕСЕК.
Се што треба да направите за да станете дел од некоја од овие програми е да се логирате на нашата веб платформа, http://internships.aiesec.org.mk/ да го пополните својот профил и да започнете со барање на проект на кој што би сакале да волонтирате.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
