Бан Ки Мун го осуди насилството на опозицијата во косовското Собрание

Генералниот секретар на Обединетите нации, Бан Ки Мун, во својот најнов извештај за Косово го осуди насилството на опозициските партии во косовското Собрание и го поздрави постигнувањето на спогодбата во Брисел за формирање на Заедница на општини со мнозинско српско население.

– Ги осудувам употребата на насилство и застрашувањето што користат опозициските партии, а кои го попречуваат нормалното работење на Собранието на Косово, како и недозволивите напади на опозицискиге активисти насочени кон премиерот и кон членовите на Владата – нагласи Бан во извештајот.

Тој ги повика сите политичари да се воздржат од реторика и од дејствувања кои се некомпатибилни со принципите и со нормите на цивилизираното и на демократското општество.

– Таквите чекори се на штета на довербата на јавноста во тие институции, како и на имиџот на Косово во светот. Ги повикувам посебно припадниците на опозициските партии одговорно и зрело да ги исполнат своите обврски, со целосно почитување на демократскиот процес и на институциите за кои се избрани – нагласи Бан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.