Воздухот во Центар утрово е најзагаден, покажуваат мерењата на Министерството за животна средина и просторно планирање. Во 8 часот измерени се 218mg/m3 суспендирани честички ПМ10 од дозволените 50 mg на метар кубен, потоа следуваат Лисиче со 151 и Карпош со 114mg/m3.
Ноќеска на полноќ, според мерните станици, највисока загаденост на воздухот имало во Лисиче каде надминувањето на вредностите на суспендираните честички ПМ10 достигнале до 534 и Гази Баба до 339 mg/m3.
Во случај на надминување на прагот на суспендирани честички со големина до 10 микрометри во пет последователни дена со среднодневни концентрации над 50 mg/m3, од Министерството препорачуваат да се користи јавниот превоз, возила да не се користат без поголема потреба, повеќе лица да се возат со едно возило во исто време, да не се користи за затоплување на простории прегорено отпадно масло, лакирани или обоени отпадоци од дрво и мебел, стиропор, ПЕТ амбалажа, парчиња гума и било каков синтетички материјал какo и правилно да се користат печките за дрва.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
