Бред и Анџелина за тешкотиите за време на мастектомијата

Бред Пит и Анџелина Џоли, дадоа ексклузивно заеднички итервју, во кое отворено зборуваат за тешкотиите низ кои поминало семејството, и за лекциите кои ги научија, кога Џоли се подложи на двојна мастектомија.
– Беше најправилното, но признавам беше застрашувачко решение, рече Бред, кој во тој момент беше цврсто до сопругата.

Џоли во 2013 година одлучи да ги отстрани двете гради, како превентивна мерка, откако и открија генетска мутација, која го зголемува ризикот од развој на рак на дојка. Оваа одлука беше проследена со втора операција во април 2015 година, за отстранување на јајниците и јајцеводите.

– Во периодот меѓу двете операции знаев дека тој е до мене. Знаев дека нема да се чувствувам помалку жена, бидејќи мојот сопруг немаше да го дозволи тоа, изјави Анџелина.
Актерката ја загуби мајка си, баба си и тетка си од оваа болест. Таа наиде на различни реакции од страна на општеството, но категорично изјави дека не жали за изборот.
– Никогаш не знаеш какви ќе бидат реакциите, но изборот во животот го правиш сам. Јас го направив својот, затоа што верував дека тоа е најдобро за мене, изјави Џоли.
Од друга страна Бред изјави дека се би направил, за да го задржи семејството заедно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.