Српската напредна странка бара од Владата на Србија да не го прифаќа бриселскиот договор

Српската напредна странка ќе ѝ предложи на Владата на Србија да не го потпишува понудениот договор со Приштина и да побара итно продолжување на преговорите, изјави претседателот на партијата и потпретседател на Владата на Србија, Александар Вучиќ, по денешната седница. Вучиќ нагласил дека за Србија не биле прифатливи две од осумте точки за кои се преговарало во Брисел.

– Тоа што е неприфатливо за нас е додавањето или интеграцијата на четири општини на северот во уставниот поредок на Косово, а не добивме никаков одговор за евентуално присуство на косовските оружени сили на тоа подрачје – рекол Вучиќ.

Тој бил многу разочаран од понудата на Србија и додал дека тоа не значи дека треба да се „затвори вратата кон ЕУ“.

– Оваа партија нема да го стори тоа. Не ми беше тешко имајќи ја предвид моќта на СНС да преземе најголема одговорност за иднината на Србија – рекол Вучиќ и прашал „кој ќе отвора фабрики и како ќе доаѓаат инвестиции ако Србија не најде решение во Брисел“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.