Внуката на Зафир Хаџиманов има неверојатен талент и свири со помош на пластични чаши (видео)

Марта Хаџиманова има 15 години и оди во средно музичко училиште.

Марта одлично пее, а во подготовка се и песни кои сама ги напишала.

-Снимивме две песни во студио кај Фирчи , а имам уште доста мои песни постојано создавам нови. Не се брзам да ги објавам, за сега ми е забавно да ги смислувам, како што ми е забавен и целиот тој процес на создавање. Имам поголема помош од страна на моето семејство. Обожувам да пеам и пеам по цел ден но сакам и да компонирам. Ме интересираат многу работи поврзани со музиката. Всушност музиката е се што ме занима- изјавила Марта.

Како што изјавила освен татко и Васил Хаџиманов, речиси целото семејство, а  особено дедо и Зафир Хаџиманов,  и оставиле трага врз нејзиниот музички вкус. Сепак Марта одбрала некој поинаков фазон  и ако се очекува од тинејџерка да има Ријана стил, таа ќе ве изненади. Нејзиниот избор е поостар звук. Песните ќе и бидат на англиски јазик.  Овие денови на нејзината плејлиста се Сторме, Лиане Ла Хавас, Ед Ширан, Џеси Џеј, Мартин Гарих.

Ќерката на џез музичарот Васил Хаџиманов, освен што  свири клавир се покажала и како многу талентирана во „алтернативната“ музика.

Погледнете ги Марта и Васил како свират со помош на пластични чаши и слушнете како пее оваа талентирана млада девојка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.