Како изгледал светот пред Кардашијан да влезат во нашите животи (фото/видео)

Реалното шоу „Во  чекор со Кардашијан“ ја доживува премиерата на единаесеттата сезона, а пред 8 години беше само уште еден во низата вакви програми на Е! Каналот пред да стане феномен во вистинска смисла на тој збор.

А како изгледал светото во времето кога беше објавена првата епизода на овој серијал во октомври 2007 година?

Најголемиот хит   беше беше „Кренк Дет“ во изведба на Соулџа Бој.

Филмот на Тајлер Пери „Зошто воопшто се венчавме?“, беше блокбастер кој во тој период заработи најмногу пари на кино благајните. Поради оваа комедија за четири двојки чии бракови е бидат ставени на тест кога ќе заминат на заеднички одмор редиците пред кино салите одеа во недоглед.

Ајфон само што се појави на пазарот. Денес имаме единаесетта сезона на реалното шоу „Во чекор со Карадашијан“ и Ајфон 6ѕ.

Мајли Сајрус и Ник Џонас беа двојка за која најмногу се пишува. Кон крајот на 2007 година ќе дојде до нивен прекин, а Џонас потоа ќе има врски со Кејт Хадсон и СеланаГомез, додека пак Мајли допрва ќе го запознае нејзиниот иден свршеник Лиам Хемсвортх.

Тејлор Свифт не беше „лошка“ која пее за судирите со колешките и демолира автомобил на своето момче туку префинета кантри принцеза со штотуку издаден албум на тема на празниците.

Само што излезе последното, седмо продолжение  на книгата за еден од најомилените магионичари на сите времиња  „Хари Потер и реликвии на смртта“.

2007 година беше многу тешка за семејството Спирс. Бритни Спирс постојано се пријавуваше на рехабилитација и бегаше од клиника, а не треба да се заборави ни фамозното бричење на главата и нападите врз папараците. Од друга страна, нејзината тогаш 16 годишна сестра Џејми Лин Спирс објави дека веќе два месеци е во блажена состојба.

2007 година ја одбележа и Линдзи Лохан, за жал, исто така не со професионални успеси туку со рехабилитација и  затворска казна поради поседување на кокаин и возење во полу свесна состојба.

А Џастин Бибер беше уште само едно моме кое  имаше неколку снимки на приватен Јутјуб канал. Кој знае дали е поверуваше да му шепнеше некој колкава ѕвезда ќе биде денес?

Освен што немавме поим кои се Кардашијан, до таа 2007 година немавме слушнато ниту за Кети Пери, Лејди Гага и тверкување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.