Кражба во џамијата Теќе „Алвети Хасан Баба“ во Струга

Струшката полиција поради постоење основи на сомнение за сторено кривично дело „кражба“, поднесе кривична пријава против М.Д. (40) од струшкото село Октиси.

Со намера да изврши кражба, на 10.10.2015 година околу 14,00 часот, соопшти денеска МВР, пријавениот се упатил во џамијата – Теќе „Алвети Хасан Баба“ во Струга. Најнапред направил обиколка на џамијата по што, искористил погоден момент и со тргање, насилно извадил две камери поставени на sидовите од џамијата со што предизвикал материјална штета од 18.000 денари. Потоа брзо избегал од местото по што со украдените камери се упатил према селото Октиси.

По четири дена од извршената кражба, од пријавениот М.Д. камерите се одземени, извршено е препознавање а потоа се вратени односно предадени на претставник од џамијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.