Актерката Кејт Винслет е една од ретките познати личности што нема профили на „Фејсбук“, „Инстаграм“, „Твитер“ или на која било друга социјална мрежа или сервис. Незјината политика е да не се користи ништо што може да ја загрози приватноста на нејзиното семејство.
Винслет (40) изјави дека на социјалните мрежи има многу зла крв и затоа на децата им забранила да ги користат.
– Социјалните мрежи имаат големо влијание на самодовербата на младата жена, бидејќи сѐ што прави прави за да им се допадне на луѓето. Тоа доведува до нарушување во исхраната – изјави Винслет.
Таа откри дека ниту таа ниту нејзиниот сопруг не ги носат мобилните телефони во спална, туку ги оставаат во дневната соба.
– Родителите ја губат контролата. Има родители што кренале раце. Мора да комуницирате со нив. Не дозволувајте им на децата да спијат со телефоните. Играјте монопол, цртајте и слично. Родителите мора да водат сметка што прават нивните деца заради нивната сигурност – смета актерката.
Кејт има три деца: Миа (14), Џое (11) и Беар (22 месеци).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
