Минесота победи во чест на Флип Сандерс, рекорд на Рики Рубио (видео)

Синоќа во НБА лигата беа одиграни 13 натпревари, а вечерта ја одбележеаа победите на Минесота која играше и победи над ЛА Лејкерс во чест на починатиот тренер Флип Сандерс и Кливленд кој го декласиреше Мемфис на гостински терен со 30 поени разлика.
По поразот во првиот натпревар од Чикаго еден од тимовите кои се вбројуваат во конкуренција за највисок пласман оваа сезона, Кливленд, беше доминантен на гостински терен против Мемфис победувајќи го на гостински терен 106-76. Веќе по 12 минути игра беше +16 за Кливленд, а Кавси до крајот победија со 17 поени и 13 скока на Кевин Лав. Леброн Џејмс имаше 12 поени, 7 скока и 5 асистенции, додека Џеферсон дополни со 12 поени.

– Тоа сме ние. Тоа е она што мора да бидеме – истакна по мечот Леброн Џејмс.

Си-Џеј Меколум уфрли шест тројки и рекорд на кариерата од 37 поени, па беше најзаслужен за победата на Портланд над Пеликанс од 112-94. Демијан Лилард имаше 21 поени и 11 асистенции.
Натпреварот во Минесота го одбележа шпанскиот репрезентативец Рики Рубио кој постигна рекорд во својата кариера со 28 поени и дури 14 асистенции. Минесота победи со еден поен предност (112-111) во „Стејпл центар“. „Езерџиите“ во текот на натпреварот имаа и предност од 16 поени разлика, но ја прокоцкаа и заслужено беа поразени. Лу Лу Вилијамс имаше шут за победа, но Минесота успеа да слави во чест на починатиот тренер Флип Сондерс.

– Имавме тешка недела која не може да се објасни. Сите минавме низ тажни денови, но и покрај тоа што Флип замина, тој засекогаш ќе биде со нас – истакна Рики Рубио кој забележа рекорд на кариерата од 28 поени и 14 асистенции.

НБА резултати:
ЛА Лејкерс – Минесота 111-112, Сакраменто – ЛА Клиперс 104-111, Феникс – Далас 95-111, Портланд – Њу Орлеанс 112-94, Торонто – Индијана 106-99, Детроит – Јута 92-87, Бостон – Филаделфија 112-95, Бруклин – Чикаго 100-115, Мајами – Шарлот 104-94, Мемфис – Кливленд 76-106, Оклахома – Сан Антонио 112-106, Хјустон – Денвер 85-105, Орландо – Вашингтон 87-88

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.