Даниел со солзи в очи по роденденското изненадување од обожавателките (ВИДЕО)

„Сонцињата“ на Даниел Кајмакоски не ја пропуштија можноста да го изненадат својот идол со подароци и торта за неговиот 32. роденден.

Групата обожавателки, која насекаде го следи македонскиот пејач, денеска го изненадија во редакцијата на „Република“.

На крајот на интервјуто за телевизијата и неделникот „Република“, групата обожавателки во нашето студио му ја запеаја роденденската песна.

Даниел со солзи в очи им заблагодари на своите верни следбеници за изненадувањата и за тоа што секогаш се тука за него.

Пејачот неодамна ја доби наградата „Ем-Ти-Ви бест адриа акт“ и влегува во трка за „Ем-Ти-Ви бест јуроп акт“ за која ќе биде во конкуренција со останати изведувачи од цела Европа.

По тој повод, но и многу повеќе, ќе имате можност да прочитате во следниот број на неделникот „Република“, кој ќе биде пуштен во продажба на 30 октомври.

Подготви: Марина Костовска

Фото: Александар Ивановски

Видео: Дејан Станчевски

Монтажа: Илија Јовановски

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.