Инсиње и Игуаин творци на победата на Наполи над Фиорентина (видео)

Екипата на Наполи е сериозна во намерите оваа година да се бори за Скудетото во Серија А лигата во Италија. Во натпреварот против Фиорентина стигна до победата со головите на Инсиње и Игуаин во второто полувреме. „Виолетовите“ допатуваа во Неапол како лидери на табелата, со серија од пет победи во низа, но попладнево не успеаја да најдат начин да ги запрат Инсиње и Игуаин. Најпрвин италијанскиот напаѓач го отвори резултатот на стартот од првото полувреме, следеше израмнување на Калиниќ, а херој на „наполитанците“ повторно беше Игуаин, кој го постигна победничкиот гол во 75. минута.

Napoli vs Fiorentina 2-1 All Goals & Highlights… by ReplayVF

Екипата на Џенова во судиското продолжение стигна до победата од 3-2 над Киево. Тимот на Горан Пандев кој не настапи поради суспензија најпрвин дојде до водство од 2-1, но Киево успеа да израмни со голот на Пелисие откако Џенова остана со играч помалку поради црвениот картон на Џемаили. Сепак во последната минута од натпреварот преку Тацидис да дојде до значајни три бода.

Вториот тим во Италија во кој настапува македонски репрезентативец, Палермо славеше тешка победа на гостувањето кај Болоња. Трајковски не настапи за својот тим и целиот натпревар остана на клупата за резервни фудбалери.

Вечерва во Милано на „Сан Сиро“ се игра големото дерби меѓу Интер и Јувентус кое започнува во 20.45 часот.

Резултати Италија:

Болоња – Палермо 0-1, Аталанта – Карпи 3-0, Џенова – Киево 3-2, Фросиноне – Сампдорија 2-0, Верона – Удинезе 1-1, Сасуоло – Лацио 2-1, Наполи – Фиорентина 2-1.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.