Премиерлига: Челси конечно победи, двата тима од Манчестер супериорни (видео)

Актуелниот шампион на Англија Челси, може за момент да здивне од притисокот на навивачи бидејќи денеска оствари рутинска победа над Астон Вила, на „Стенфорд Бриџ“ од 2-0. Главен актер во тимот на Жозер Мурињо беше шпанскиот репрезентативец Диего Коста кој го отвори резултатот во 34 минута, а учествуваше и во акцијата за вториот гол кој беше автогол на Хатон.
Овие три бода се драгоцени за Челси бидејќи ќе помогнат за враќање на самодовербата на играчите на „сините“.

Chelsea vs Aston Villa 2-0 All Goals… by lubomir-mitev

Манчестер јунајтед дојде до големи три бода на гостувањето против Евертон. Шнидерлин го отвори резултатот во корист на „ѓаволите“, на 0-2 зголеми Ерера, а по неколкуте одлични интервенции на Де Хеа, конечните 0-3 ги постави Веј Руни.

Everton vs Manchester United 0-3 All Goals… by sonkengmbeukeuherv1

Дури и без помошта на Агуеро и на Силва, Манчестер сити рутински си ја одработе задачата против Бурнемаут, постигнувајќи четири гола во првото полувреме за конечна победа од 5-1. Рахим Стерлинг беше клучна фигура со хет-трик, додека два пати меѓу стрелците се запиша Вилфред Бони.

Manchester City vs Bournemouth 5-1 All Goals… by HDFootball2015

Резултати Англија:

Тотенхем – Ливерпул 0-0, Челси – Астон вила 2-0, Манчестер сити – Бурнемаут 5-1, Саутемптон – Лестер 2-2, Евертон – Манчестер ј. 0-3, К. палас – Вест хем 1-3, ВБА – Сандерленд 1-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.