Кристијано Роналдо се запиша во историјата на Реал, „кралевите“ се вратија на победничките патеки (видео)

Реал Мадрид се искачи на врвот на табелата во Примера дивизија откако попладнево лесно со 3-0 славеше победа над Леванте на „Сантијаго Бернабеу“.
Првото место за Реал е привремено, бидејќи Вилјареал и Селта меѓусебниот натпревар го играат утре, додека Барселона доцна вечерва.
Победата на мадриѓаните остана во сенка на првата ѕвезда на клубот Кристијано Роналдо, кој со вториот гол во дресот на „кралевите“ влезе во историјата и официјално стана најдобриот стрелец на клубот. Роналдо со бомбата за водство од 2-0 го запиша својот 324 погодок во дресот на Реал Мадрид, минувајќи го легендарниот Раул со кого ја делеа првата позиција на вечната листа на стрелци до ова коло. За шест години Португалецот успеа да влезе во историјата на најтрофејниот европски клуб.

Реал уште во првото полувреме ја осигура победата поточно од 27 до 30 минута кога Марсело и Роналдо успешно стрелаа во голот на Левенте. Конечниот резултат го постигна Хесе на девет минути до крајот.

Real Madrid vs Levante 3-0 All Goals… by HDFootball2015

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.