Реал Мадрид посакува дополнително да ги засили напаѓачките редови со ангажирање на францускиот интернационалец од редовите на градскиот ривал, Атлетико Антоан Гризман.
Тој игра во одлична форма во дресот на „јорганџиите“ оваа сезона, и го сврте вниманието на себе од големите клубови во Европа. Гризман од поодамна се наоѓа на листата на желби на Арсенал и Манчестер Јунајтед, но во трката за услугите на Французинот се вклучи и градскиот ривал Реал Мадрид.
Тренерот на „кралевите“, Рафаел Бенитез, би сакал да го доведе Гризман уште во јануари, но тоа дефинитивно ќе биде тешка мисија, посебно што Атлетико Мадрид и оваа сезона има големи амбиции и во Примера и во Лигата на шампионите. Неговата вредност се проценува на околу 50 милиони евра.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
