Ибра подготвува нов проект, сака да се проба и на филмското платно (видео)

Најдобриот шведски фудбалер Златан Ибрахимовиќ продолжува да ги изненадува неговите фанови ширум светот.
По стартувањето на неговата линија на парфеми, соработката со модната марка чие заштитно лице е самиот тој, рекламирање на енергетски пијалоци, Ибра се подготвува да сними и филм!

Кристијано Роналдо доби свој филм во соработка со „Универзал“, пред некој ден беше промивран и филмот на Вејн Руни во издание на „ББС“, а пред тоа и Меси имаше своја премиера, сега на ред е и Златан Ибрахимовиќ.

Тој се наоѓа во Шведска на подготовки со својата репрезентација за квалификациските дуели против Лихтенштајн и Молдавија. Тоа го искористија новинарите од таа земја да го прашаат за новиот проект.
Секако тоа не бил бил Златан ако не одговори на негов својствен начин.

– Преговараме за нешто. Во прашање е нешто што многу ми се допаѓа, што го сакам. Посакувам да го направиме, ќе видиме – одговори Ибрахимовиќ на прес-конференцијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.