Шпанските левучари „бомбардери“ во Вардар во фокусот на ЕХФ ТВ (видео)

Шпанските ракометари во редовите на РК Вардар и членови на репрезентацијата на својата земја, Алекс Дујшебаев и Хорхе Македа беа во фокусот на ЕХФ ТВ, кој подготви неколкуминутен прилог за левучарите „бомбардери“.
И двајцата се силни левучари, па ЕХФ ТВ својот прилог го нарече „Шпанската левучарска моќ во Скопје“. Станува збор за интересно интервју со Македа и со Душебаев, по повод доаѓањето на Хорхе во Вардар.

Во видеото раскажуваат како Душебаев му помага на Македа во вклопувањето во новата средина, а сето тоа се случува во една убава прошетка до крстот на Водно, со жицницата.

Кои карактеристики би ги издвоиле за другиот?

Македа: Квалитетот, тој е играч врвна класа, интелигентен, смешен,
Душебаев: Тој е смешен, добар пријател, има повеќе чувство и ритам од мене.

Колку ви значи што имате соиграч Шпанец во Скопје?

Македа: Алекс ми помага да се адаптирам овде. Ако ми треба превод ми помага, а исто така ми помага да се вклопам и на теренот. Овде се игра различно од тоа што го игравме во Нант. Сѐ на сѐ ми помага многу. Ќе треба да го честам вечера некогаш.

Душебарв: Одлично е што го имам Хорхе како соиграч. Многу си помагаме и се поддржуваме. Секогаш е плус да имате уште еден Шпанец во тимот. Тој сѐ повеќе се вклопува и на тренинзи и на натпревари, комуницира сѐ повеќе, тој е едноставно некомплицирана и пријатна личност.

Зошто дојде во Вардар?

Македа: Главната причина поради која дојдов во Вардар е да играм во Лигата на шампионите, нешто што не сум го правел досега. Втората причина беше тренерот Раул.

Има ли конкуренција меѓу вас?

Душебаев: Секако дека има конкуренција, но тоа е здрава конкуренција. И двајцата се трудиме да го правиме она што е најдобро за тимот, да играме најдобро што знаеме за да оствариме што е можно повее победи.

Целосното видео од интервјуто можете да го погледнете на овој ЛИНК.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.