Под мотото „Смени ја исхраната, смени го светот!“, денеска на Градската плажа „Парк“ ќе се одржи првиот пикник на веганска храна во Република Македонија „Скопје ВегеПикник 2015“.
Организатор е Здружението за заштита на животните и животната средина „Еден“ – Скопје. Веге пикникот е посветен на Светскиот ден на здрава животна средина, кој годинава се одбележува на 26 септември под мотото „Децата се наша иднина – да ги заштитиме нивната животна средина и нивното здравје“.
На пикникот со вегански специјалитети ќе се претстават повеќе скопски угостители и блогови за веганска храна. Ќе има и неколку натпревари – „Vegan Cook-Off“, „Веган предизвик“ и „Највеган фото“, а победниците ќе добијат награди од спонзорите. За децата ќе има специјално детско катче со забавни и едукативни содржини.
Сите донации собрани во рамки на настанот ќе се искористат за помош и лекување на бездомни животни во Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
