В недела, на 18 мај, во Градски парк во Скопје, во организција на „Алумини Македонија“ ќе се одржи кикоф-пикник заедно со учесниците на првата Академија за претприемништво. На настанот, исто така, ќе се промовира првата платформа за групно вложување во Македонија. Целиот настан е поддржан од Фондот за иновации на Алумини, американската амбасада во Скопје и агенциите за работа и за патување. Настанот ќе трае од 11.30 до 16 часот и се очекува да присуствуваат 1.000 гости. Средствата за организирање на настанот ќе бидат собрани од донации од различни компании и невладини организации.
Во програмата на пикникот се предвидени музички настапи на групата „Плаг ин“ и диџеј Мац од „Антена 5“. Исто така се планирани различни спортски активности за посетителите: натпревар во одбојка, мал фудбал, влечење со јаже или фризби.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
