Унгарија ја отстрани бодликавата жица од словенечката граница

Оградата од бодликава жица поставена на унгарско-словенечката граница, отстранета е во петокот попладне, соопшти унгарското МНР, јави Танјуг.

Оградата беше поставена само како експеримент во врска со безбедносната ограда изградена по должина на границата со Србија и со Хрватска, во изминатите неколку седмици, додаваат од Министерството.

Унгарскиот министер за внатрешни работи Шандор Пинтер ќе се сретне во понеделник со словенечката колешка Весна Ѓеркош Жнидар, за да ги разјаснат можните недоразбирања и да разговараат за системот за гранична контрола и патроли, се наведува во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.