Пајакот црна вдовица во Природонаучниот музеј на Македонија (видео)

Тематската изложба „Чудесниот свет на пајаците“, која е сопственост на Полјаците Себастијан Вадицки и Јацек Пацина, гостува во Природонаучниот музеј на Македонија во Скопје. Изложбата содржи 40 живи експонати, меѓу кои и најотровниот пајак, најголемиот пајак на светот познат како голијатски јадач на птици, потоа популарната црна вдовица и најголемата императорска скорпија.

Оваа изложба гостувала во повеќе европски природонаучни музеи како што се Кралскиот музеј за централна Африка во Брисел, Сенкербешкиот музеј во Дрезден, потоа во Финска, Естонскиот музеј на природата во Талин, Природонаучните музеи во Загреб, Сплит, Букурешт.

– Посетата на изложбата овозможува една блиска средба на луѓето со видови за кои имаат лоши емоции и погрешно мислење, за потоа да го променат чувството во разбирање и симпатија за тие убави и корисни животни – вели Емилија Стојкоска, виш кустос во Природонаучниот музеј на Македонија.

Изложбата ќе трае до 22 ноември и финансиски е поддржана од Министерството за култура на Република Македонија.

фото: Ѓорги Личовски

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.