Замените на Симеоне му донесоа победа на Атлетико Мадрид (видео)

Еден од аспиратните за првото место на крајот од шампионатот во Примера дивизија екипата на Атлетико Мадрид ја оствари третата победа во четвртото коло оваа сезона, славејќи на гостувањето кај Еибар со 2-0.
Еибар, кој немаше пораз во пресрет на овој викенд, им создаде многу проблеми на „јорганџиите“ во првото полувреме, по што Симеоне на самиот старт од вториот дел ги уфрли во игра Оливер Торес и Фернандо Торес на местата на Вието и на Мартинез.
Петнаесетина минути подоцна, Диего Симеоне го направи вистинскиот потег уфрлувајќи го во игра младиот Аргентинец Кореа на местото на Коке.
Токму Кореа беше човекот на одлука, постигнувајќи го првиот погодок за Атлетико, а потоа и асистирајќи му на Фернандо Торес при конечните 0-2 на овој натпревар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.