Репрезентацијата на Шпанија е првиот финалист на Европското првенство во кошарка откако во првиот полуфинален натпревар го совлада домаќинот Франција со 80-75 по едно продолжение (20-17,13-15,23-16,10-18,9-14).
Во натпревар кој може слободно да се каже дека ниту Хичкок неможе да го режира, феноменалниот По Гасол беше јунак за целата нација бидејќи постигна 40 поени и 11 скока. Буквално половина од целиот тим на „црвената фурија“.
Фрација иако важеше за фаворит на овој натпревар неможеше да се спротистави на Гасол, а водеше во текот на целиот меч.
Првото полувреме се играше крајно израмнет натпревар, а единствен кој им парираше на разиграните „галски петли“ беше токму НБА центарот.
Во третиот период разиграните Де Коло, Паркер и Желабал успеаја во еден момент да создадат двоцифрена предност од 11 поени и се чинеше дека лесно ќе го приведат натпреварот до крај.
Шпанија на крилјата на Гасол на три минути пред крајот стигна до минус од само еден поен (61-60). И, со серија од 10-0, откако не реализираа повторно Французите, шпанските кошаркари стигнаа и до предност од 61-62.
Во последните две минути Шпанија стигна и до три поени разлика 66-63, но Батум погоди тројка за израмнување. Во регуларниот дел Гасол имаше шанса да реализира за победа, но неговиот обид беше спречен од Гобер со блокада.
Продолжението одлично го отвори Франција со неколку поени во низа, но повторно „црвена фурија“ носена на крилата на Гасол успеа да стигне до предност од три поени. На 15 секудни до крајот Батум имаше повторно обид за три поени, но беше фаулиран, а тој не успеа да погоди ниту едно слободно фрлање.
Единствен кој нешто му помогна на Гасол да ја однесе Шпанија во финалето, беше Родригез со 15 поени, додека сите останати беа далеку под очекувањата. Кај Французите, Тони Паркер имаше скромни 10 поени, а најефикасни беа Батум и Де Коло со по 14 постигнати поени.
Утре, во втората полуфинална пресметка се среќаваат Србија и Литванија. Натпреварот започнува во 21 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
