Јувентус славеше сред Манчестер, сигурни победи на Реал и ПСЖ на стартот во ЛШ (видео)

Двата гиганти од Манчестер, Сити и Јунајтед беа почестени со по два гола од нивните противници на стартот на Лигата на шампионите и доживеаја незгодни порази.

Во дербито на првиот ден од 23.издание на ЛШ, Манчестер Сити загуби на свој терен од минатогодишниот вицешампион екипата на Јувентус.
Иако „старата дама“ губеше со автоголот на Кјелини во 57 минута, избраниците на тренерот Алегри знаеја како да се вратат во натпреварот и иницијативата која ја имаа во речиси целиот натпревар да ја претворат со два гола и да дојдат многу значајни три бода на стартот.
Новото засилување Марио Манџукиќ кој конечно проработе искористи една шанса по асистенција на Погба и успешно стрелаше во голот на Харт за израмнување на резултатот во 70 минута. Џокерот на Јувентус од минатата сезона, Мората, беше творец на победата на „Етихад“ со гол во 81 минута.

Црвениот дел од Манчестер истотака тагуваше поради поразот на Јунајтед на гостински терен против ПСВ Ајндховен.
Токму поранешниот играч на ПСВ, Мемфис Депај го отвори резултат и ја доведе својата екипа во водство од 1-0 во 41 минута. Сепак ПСВ не се предаде и веднаш до крајот на првото полувреме успеа да го израмни резултат преку Морено.
Во вториот дел со голот до целосен резултатски пресврт што значеше и големи три бода за холандскиот шампион беше поставен и конечниот резултат 2-1. Творец на победничкиот гол беше Нарсинг во 57 минута.

Во останатите шест натпревари сигурни победи на фаворитите. Реал Мадрид го торпедираше Шахтјор Доњецк со 4-0. Стрелец на три гола беше Кристијано Роналдо, а четвртиот, односно прв на натпреварот беше дело на Бензема по една грешка на гостинскиот голман.

Пари Сен Жермен исто така обезбеди стартни три бода во групата А. „Светците“ беа подобри од Малме и победија со 2-0. Анхел Ди Марија и Единсон Кавани ја погодија мрежата на шведскиот тим.

Атлетико Мадрид е вториот тим кој оствари гостинска победа. Избраниците на Диего Симеоне славеа на жешкиот терен во Истанбул против Галатасарај со 2-0 со головите на Антоан Гризман.

Резултати Лига шампиони:

Група А: ПСЖ – Малме 2-0, Реал Мадрид – Шахтјор Доњецк 4-0.

Група Б: ПСВ Ајндховен – Манчестер јунајтед 2-1, Волфсбург – ЦСКА Москва 1-0.

Група Ц: Бенфика – Астана 2-0, Галатасарај – Атлетико Мадрид 0-2.

Група Д: Манчестер сити – Јувентус 1-1, Севилја – Борусија Менхенгладбах 3-0.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.