Украинскиот претседател Петро Порошенко побара денеска од западните сојузници да и испорачаат оружје на Украина, кое, како што рече, и е потребно за одбрана од проруските сили.
Тој во интервју за германскиот весник „Ди Велт“, нагласи дека на Украина и е неопходна поддршка, посебно кога станува збор за одбранбено оружје.
– Ние не ја браниме само нашата земја, туку слободата и демократијата. Воениот буџет на Русија е од 30 до 45 пати поголем од нашиот буџет, истакна Порошенко, додавајќи дека украинското оружје не може да се споредува со најсовремениот арсенал.
Киев и Западот ја обвинуваат Русија дека постојано испраќа војници и оружје за да им помогне на сепаратистите во источниот дел на Украина, но Москва и натаму ги отфрла ваквите тврдења.
Порошенко наведува дека целта на Киев е да се овозможи воено заплашување на противникот, меѓутоа, Германија и други држави одбиле да испратат оружје поради страв од ескалирање на судирите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
