Немам свои деца, па помагам на други – вели Србинот кој трогна многу срца

–Јас немам мои деца, па затоа секој пат кога ќе ги видам тие малечки дечиња како бегаат и се плашат, нешто се корне во мене. Ми доаѓа да заплачам. Моја професија е да ги спасам, но пред сѐ сум човек. Ова го изјави сега најпопуларниот полицаец на Балканот, Ариф од Србија, кој со својата фотка на која теши и прегрнува дете емигрант трогна многумина.

– Колегите ми рекоа дека сум излегол на „Си-ен-ен“, но јас ова го правам секој ден! Не ја ни видов новинарката која ме фотографирала и направила прилог. Ова е моја должност, за мене сите дечиња се исти – вели тој ексклузивно за српски „Курир“.

Колегите на Ариф велат дека е добар човек и одличен полицаец. Велат дека е многу скромен, па затоа не му годи популарноста.

Инаку, Ариф има 34 години, не е женет и нема деца. Го изгубил татка си во сообраќајка на шест години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.