Буфон: Немаме за што да жалиме, Баерн можеше да ни даде уште голови

Џиџи Буфон, веројатно го одиогра најлошиот меч во кариерата и неговите две катастрофални грешки, беа пресудни за поразот на Јувентус од Баерн со 0-2 во Минхен. Алаба по само 25 секунди игра, со проектил од 30 метри го совлада италијанскиот репрезентативец, кој заспа на голот, а Милер само стави точка на лошото издание на Буфон со гол во 63. минута. Баерн беше многу подобар противник, а тоа го призна и трагичарот на четвртфиналето во ЛШ, Буфон.

-Немаме за што да жалиме, бидејќи Баерн беше подобар противник и можеше да ни даде уште некој гол. Игравме против голем тим, чија победа е кристално чиста и заслужена – изјави Буфон по натпреварот. Реваншот е на 10. април во Торино, а шансите на Јувентус се минимални, по негативата од два гола во Баварија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.