Како ќе изгледа новиот трговски центар „Емпорио“ (ВИДЕО)

Во средината на 2017 година жителите на Ѓорче Петров конечно ќе ја имаат на располагање новата зграда на општината, која веќе се гради во склоп на новиот трговски и бизнис центар. Помал од „Ситимол“, но поголем од „Рамстор мол“, „Емпорио“ е резултат на првото јавно–приватно партнерство во Македонија, помеѓу општината Ѓорче Петров и градежната компанија „Трансмет“.

Лоцирана во најурбаниот дел од општината, со директен излез на кружниот тек, општинската зграда ќе биде организирана на 3 нивоа. Веднаш до неа трговскиот и бизнис центар ќе биде на 6 надземни и 2 подземни нивоа, со подземен паркинг со капацитет од вкупно 350 паркинг места.

Во првото, подземно ниво на приземјето и првиот кат ќе биде сместен трговскиот центар, а вториот, третиот, четвртиот и петтиот кат се наменети за канцелариски простор.

Во трговскиот дел се предвидени 40 ­тина дуќани, а веќе се познати и првите закупци.

Градоначалникот на општина Ѓорче Петров, Сокол Митревски, вели е среќен што „Емпорио“ ќе остане трајно обележје на општината, магнет за привлекување на други инвестиции, но и што конечно, со новата зграда за општината ќе биде решен долгогодишен проблем на вработените, но најважно и на ѓорчептровци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.