„Дрекселмаер“ најавува отворање на 500 нови работни места

Германската компанија „Дрекселмаер“ најавува отворање на 500 нови работни места. Автомобилскиот гигант веќе брои над 5 илјади вработени, што значи дека по реализацијата на новите вработувања, фабриката ќе ангажира речиси 6 илјади луѓе, пренесе Алфа ТВ.

За вицепремиерот Зоран Ставрески токму преку напорите за привлекување на странски инвеститори и проектот „Македонија вработува“ постепено се намалува невработеноста во градовите од внатрешноста. Кавадарци е еден од градовите со најмала невработеност – оценува Вицепремиерот Ставрески.

-Кавадарци е општина во која имаме многу вработувања, пред се во „Дрекслермаер“ каде бројката на вработени надмина 5.000 лица, а со последната најава дека во септември ќе има уште 500 вработувања ќе се приближиме до околу 6.000 работни места што е извонредно голем број на вработувања. Исто така преку проектот „Македонија вработува“ над сто кавадарчани најдоа работа“ – рече вицепремиерот Ставрески.

Ставрески додаде дека општина Кавадарци се движи во добра насока и дека се создаваат подобри услови за живот на граѓаните. Градот во кој со години доминантна дејност е лозарството, се повеќе станува и центар на автомобилската индустрија, особено по отворањето на германската компанија Дрекселмаер. Статистиката покажува дека во Кавадарци и околината од почетокот на годинава досега биле вработени 3400 луѓе, од кои 1050 се пријавени на неопределено време. Во оваа општина моментално има 3050 невработени, од кои 1430 се жени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.