Аргентинскиот ас и член на Барселона Лионел Меси, го понесе признанието за најдобар фудбалер во Европа за изминатата 2014/2015 сезона во изборот на 55 спортски новинари од стариот континент.
За време на ждрепката за групната фаза од Лигата на шампионите што се одржа во Нион, по гласањето на новинарите, претседателот на УЕФА Мишел Платини го прогласи победникот во изборот за најдобар европски фудбалер, кој доби повеќе гласови од соиграчот Луис Суарез, но и од најголемиот свој ривал, Кристијано Роналдо.
– Секако дека ова признание ми значи многу. Но, мора да кажам дека е заслуга и на сите мои соиграчи затоа што без тимот не би можел ништо да освојам – рече Лионел Меси.
Во женска конкуренција за најдобра фудбалерка во Европа оваа иста награда ја доби германската репрезентативка Селиа Шашиќ која настапува за женската екипа на Малме.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
